Sondre Ferstad «Snirkelsongar» m. Herman Wildhagen

«Snirkelsongar» er ei samling små finurlege melodiar skrive av munnspelar Sondre Ferstad. Musikken er lågmæl, intim og melodiøs, og er bygd opp rundt trøorgelet, som bind han saman med sin mjuke lyd og knirkande pedaltrakking. Musikken har referansar til salmar, visesong og folkemusikk. Heidi Skjerve og Maren Barlien har skrive tekstar om det nære og vare.
Albumet kom på Øra Fonogram 7. januar i år, og har hausta gode kritikkar. Torkjell Hovland frå Ballade.no skriv begeistra om albumet og skildrar melodiane som planter som strekk seg mot sola.

Sondre Ferstad – munnspel
Heidi Skjerve – vokal
Morten Stai – kontrabass
Vegard Lien Bjerkan – trøorgel
Herman Wildhagen – pedal steel